top of page

მამის არ მიღება

Aktualisiert: 24. Nov. 2023



განლაგების ცნობილი ფასილიტატორის და მწერალის, ჯონ უიტინგტონის სისტემური ანალიზის მოკლე ფასეტი უილ სმიტის ოსკარების ცერემონიალზე მომხდარ "სილის გაწნის" ინციდენტის თაობაზე.


თუმცა ამ თემაზე უკვე ძალაინ ბევრია დაწერილი და ამას ასევე ბევრი ცნობილი ადამიანი საჯაროდ გამოეხმაურა, მაგრამ თითქმის არც ერთ შეფასებაში და ანალიზში არ ყოფილა იმ მნიშვნელოვანი სისტემური განკუთვნადობის და მის მიმართ ლოიალურობის ასპექტის დანახვა, რაც ჯონ უიტინგტონმა შეძლო და ასე ბრწყინვალედ შემოგვთავაზა თავის ქვემოთ მოცემულ დაანონსებულ პოსტში:


რა შეიძლება ყოფილიყო უილ სმიტსის მიერ ოსკარების ცერემონიალზე „გაწნული სილის" სისტემური განზომილება. მოგახსენებთ ამასთან დაკავშირებულ რამოდენიმე მოკლე საწყის რეფლექტირებას.


ჩვენი წარმოშობის ოჯახი არის ჩვენი ყველაზე ღრმა პატერნების და ქცევების წყარო, რომელიც ვლინდება ჩვენს ცხოვრებაში და ასევე ჩვენს საქმიანობაში.


ვერავინ გაექცევა ჭრილობებს მათი წარმოშობის ოჯახების ურთიერთობების სისტემებში. ყველა ჩვენგანი ავითარებს გადარჩენის სტრატეგიებს და ქცევებს, რათა შეარბილოს ამ ჭრილობის გავლენა.


დედის მიმართ მამაკაცის ერთგულებას საზღვარი არ აქვს. მისი დაცვა (ხშირად აგრესიული ქმრის წინააღმდეგ) შეიძლება გახდეს მისი მთელი ცხოვრებისეული მისია.


როგორც თავად უილი ამბობს: „როცა ცხრა წლის ვიყავი, ვუყურებდი, როგორ ურტყამდა თავში მამაჩემი დედაჩემს. ალბათ ამ მომენტმა უფრო მეტად განსაზღვრა ის თუ ვინ და რა ვარ მე, ვიდრე ნებისმიერმა სხვა მომენტმა ჩემს ცხოვრებაში, “.


„დედიკოს ბიჭი“ ბევრს იმუშავებს იმაზე, რათა სხვებმა დაინახონ ის როგორც მომხიბვლელი, ქალებისა და „სამართლიანობის“ დამცველი. ის ხდება დედის დაცვის, მისთვის სიამოვნების, და მამის უარყოფის / მამად არ გადაიქცევის ნაზავი.


თუ მას არ აქვს ამ დილემის ინტეგრირებისა და გადაჭრის გზები (თერაპია, ოჯახური განლაგებები, სისტემური ქოუჩინგი და ა.შ.) ის ამას გააკეთებს თავისი საქმით, თავისი „პიროვნების“ მეშვეობით.


როგორც თავად უილი ამბობს: „ყველაფერში, რაც მას შემდეგ გავაკეთე - ჯილდოები და აღიარებები- იყო დედაჩემისადმი ბოდიშის მოხდის დახვეწილი ძაფი. იმისთვის, რომ მამაჩემს ვერ აღვუდეგი. ის, რაც უნდა გესმოდეთ, არის ის, რომ უცხოპლანეტელების გამანადგურებელი, კინოვარსკვლავი "უილ სმიტი", ძირითადად, კონსტრუქციაა - საგულდაგულოდ შემუშავებული და დახვეწილი პერსონაჟი, რომელიც შექმნილია საკუთარი თავის დასაცავად."


ბევრი მამაკაცი თუ არა უმეტესობა ქორწინდება დედის შინაგან ენერგეტიკულ ველზე. ამიტომ დედა და შეყვარებული ერთმანეთში ირევა. ასე რომ, როდესაც მათ პარტნიორს შეურაცხყოფენ ან ემუქრებიან, ისინი ამ აგრესიას აპროექცირებენ მამის აგრესიაში დედის მიმართ და ამაზე ისე მოქმედებენ.


როგორც თავად უილი ამბობს თავის 2021 წლის ავტობიოგრაფიაში: „ბავშვობაში ყოველთვის ვეუბნებოდი ჩემს თავს, რომ ერთ დღეს შურს ვიძიებდი დედაჩემისთვის“.


"რასაც განსჯი, ის ხდები". ასე რომ, თუ თქვენ განსჯით თქვენს მამას, თქვენ შეისისხლხორცებთ მისი ქცევის ზოგიერთ ასპექტს. გასაგებია, რომ უილი განსჯის მამას, ამიტომ ცდილობს გამორიცხოს იგი და მისი ქცევა.


სწორედ ეს უარყოფა უზრუნველყოფს იმას, რომ ის გაიმეორებს იმავე და მის მიერ ყველაზე უფრო უარყოფილ/რეზონანსულ ქცევას: სახეზე მძიმე დარტყმას და ამ მომენტში, სცენაზე, უილი ხელახლა "იხსენებს და აბრუნებს" მამას ოჯახის სისტემაში.


ყველა ქცევას შეიძლება ახსნა ჰქონდეს, როდესაც ის განიხილება იმ სისტემის კონტექსტში, რომლის მიმართაც ის ლოიალობის აქტია. ეს სარებელის მომტანი პერსპექტივაა არა მატო ამ კონტექსტში, არამედ ასევე ყველა ორგანიზაციულ განვითარებაში, ქოუჩინგში და ქცევათა ცვლილებაში...


ბევრი ჩვენი „რთული ქცევა“ ღრმად არის ფესვგადგმული ჩვენს არაცნობიერ მცდელობებში, რომ აღვადგინოთ სიყვარულის ნაკადი მოცემულ სისტემაში.


ჯონ ვიტინგტონი

1.601 Ansichten0 Kommentare

Aktuelle Beiträge

Alle ansehen
bottom of page