მოქშა ფეიქარი

პარალელურად ადრეული ასაკიდან მუდამ ძალიან მაინტერესებდა და მიტაცებდა სულიერებასთან დაკავშირებული თემები და მედიტაციები. ამიტომ ხშირად ვმოგზაურობდი ინდოეთში, სადაც 1992 წლიდან მონაწილეობა მაქვს მიღებული ოშოს საერთაშორისო ცენტრის აქტიურ და პასიურ მედიტაციებში, მედიტაციურ თერაპიებში, ბოდივორკში, ჰუმანისტური ფსიქოლოგიის მეთოდოლოგიებში და ჰიპნოთერაპიებში.

 

როდესაც 2008 წელს ბერტ ჰელინგერს პირადად შევხვდი, ძალიან გამიტაცა მის მიერ დაფუძნებულმა სისტემურმა განლაგებებმა. დასაწყისში მასთან მქონდა ამ მეთოდოლოგიასთან მიმართებაში გადაკვეთები. მოგვიანებით კი, 2017 წლიდან, გერმანიის ქალაქ კიოლნში, UTA ინსტიტუტსა და აკადემიაში რამდენიმე წლის განმავლობაში პროფესიულად ვეუფლებოდი და გავიარე მრავალი ტრენინგი სისტემური საოჯახო და საორგანიზაციო განლაგების DGfS-ის აღიარებულ თერაპევტებთან და მასწავლებლებთან - რამატირთჰა დოეჩთან, სუბოდი შვაიცერთან და დვარი დოიჩთან.

 

ამჟამად ვმუშაობ როგორც UTA Academy -ის, ასევე CONSTELLATORS INTERNATIONAL -ის მიერ აღიარებილ სისტემური განლაგების სერტიფიცირებულ ფასილიტატორად. ასევე გახლავართ CONSTELLATORS INTERNATIONAL-ის (CI) მრჩეველთა საბჭოს წევრი, CONSTELLATORS GEORGIA -ს დამფუძნებელი და ახლოს ვთანაშრომლობ კიოლნის FELD INSTITUT -თან. საერთაშორისო მასშტაბით ვატარებ სისტემური საოჯახო და ორგანიზაციული განვითარების კონსულტაციებს, ვორკშოპებს, სემინარებს, სესიებს და ტრენინგებს.

 

ეს სასწავლო და საგანმანათლებლო ღონისძიებები ტარდება ჯგუფურად თუ ინდივიდუალურად, როგორც ონლაინ და ფიზიკური დასწრების, ასევე ჰიბრიდულ ფორმატში და ექსკლუზიური მიწვევებით ორგანიზაციებში. ვმოღვაწეობ ევროპის ქვეყნებში, გერმანიაში და ასევე საქართველოში.

 

CI -ს დამფუძნებელ შტეფანი ჰარტუნგთან ერთად, აქტიურად ვარ ჩართული საქართველოში სისტემური განლაგებების პოპულარიზაციაში, ამ სფეროს მეთოდოლოგიების დანერგვაში და რამდენიმე საბაზისო და პროფესიონალურ სასწავლო პროექტში.